Bir yanda təmiz, saf hisslərlə sevən gənclər, digər yanda bu cür təmiz, saf hisslərin yaşaması üçün heç bir ümid yeri qoymayan, qəddar, qanlı, amansız çirkab və nifrət dolu reallıq. Nifrətin içində sevgiyə, çirkabın içində saflığa yer varmı? “Sonuncu ay işığı” romanında bəşəriyyətin ən dəhşətli kəşfinin içinə düşən insanların taleyinin necə dəyişdiyinin, bu insanların mənəviyyatının, mənliyinin necə məhv edildiyindən, sevgi, dostluq kimi müqəddəs hisslərin bu dəhşətli kəşfin içində necə parçalandığından danışılır. Sevginin nifrətə, dostluğun düşmənçiliyə, saflığın çirkaba, mərhəmətin qəddarlığa, mənəviyytatın heçə necə çevrildiyindən bəhs edilən romanda Yer üzündə cəhənnəmi yarada bilən insanların bu cəhənnəmi məhv etməyə qadir olduqları da göstərilir. Sadə insanların özlərindən asılı olmadan, bu dəhşətli burulğanın içində layiq olduqları, haqq etdikləri həyatı deyil, məhrumiyyətlər, itgilər, ağrılar dolu həyatı yaşamağa, ölməyə necə məhrum edildiklərindən danışılır, və bəşərin bu ən dəhşətli kəşfinin iç üzü açılır. Bu dəhşətli kəşfin adı isə müharibədir.
Romandakı hadisələrdə gənclik illəri Birinci Qarabağ Müharibəsi illərinə düşən gənclərin taleyindən bəhs edir. İnanırıq ki, “Sonuncu ay işığı” romanı geniş oxucu kütləsi üçün maraqlı olacaq.
