Kitab proqramlaşdırmanı öyrənmək üçün çox sadə və ən yaxşı vasitə olan Turbo Pascal dilinin öyrədilməsinə həsr edilmişdir. Bütün izahatlar zəngin praktiki misallarla müşayiət olunmuşdur. Bu misallar nəinki Turbo Pascal dilini, həm də proqramlaşdırmanın ümumi metod və prinsiplərini öyrənməyə imkan verir. Ona görə də kitab digər proqramlaşdırma dillərinin, o cümlədən Delphi dilinin asanlıqla öyrənilməsinə zəmin yaradır.
Kitab ilk növbədə proqramlaşdırmanı öyrənməyə başlayanlar və ali məktəb tələbələri üçün nəzərdə tutulmuşdur. Kitabdan magistrlər, doktorantlar və proqramlaşdırmanın tədrisi ilə məşğul olan müəllimlər də istifadə edə bilərlər.
