Bu kitab 15 yaşlı bir məktəbli tərəfindən, 8–11 yaş aralığındakı uşaqlar üçün yazılmışdır. Müəllifin kiçik qardaşının informasiya texnologiyalarına göstərdiyi maraq bu kitabın yaranmasına səbəb olmuşdur. Məqsəd – uşaqların texnologiya dünyasına erkən yaşlardan tanış olması və bu sahəyə maraqlarının formalaşmasına dəstək verməkdir.
Kitab sadə və anlaşılan dillə yazılmışdır və informasiya texnologiyalarının əsas anlayışlarını – kompüterlərin quruluşu, proqramlaşdırmanın əsasları, internetin fəaliyyəti və digər aktual mövzuları əhatə edir. Mətn uşaqların yaş xüsusiyyətlərinə uyğun şəkildə tərtib olunaraq, həm öyrədici, həm də maraqlı məzmun təqdim etməyə çalışır.
Bu nəşr informasiya texnologiyalarına ilkin addım olaraq nəzərdə tutulur və gələcəkdə bu sahədə maraq göstərən uşaqlar üçün bir başlanğıc nöqtəsi ola bilər.
